समाचार
ज्येष्ठ नागरिक परिचयपत्र वितरण र स्वास्थ्य जाँच गर्दै तामाकोशी गाउँपालिकाले मनायो २६ औँ अन्तर्राष्ट्रिय ज्येष्ठ नागरिक दिवस
अशोज १५, २०७५
तामाकोशी गाउँपालिकाले २६ औँ अन्तर्राष्ट्रिय ज्येष्ठ नागरिक दिवस भव्यरूपमा मनाएको छ । "जेष्ठ नागरिक मानबअधिकार अभियन्ताहरूको अभिनन्दन गरौँ" भन्ने नाराकासाथ सुरु भएको कार्यक्रम गाउँपालिकाको वडा नं. ६ च्यामामाको वडा कार्यालयको प्राङ्गणमा सैयौँ ज्येष्ठ नागारिक, जनप्रतिनिधी र प्रमुख प्रशासकीय अधिकृत लगाएत कर्मचारीहरूको उत्साहजनक उपस्थितिमा एक भव्य कार्यक्रमका बीच गाँउपालिकाका अध्यक्ष ईश्वरचन्द्र पोखरेलले उद्घाटन गर्नुभएको हो ।
उक्त कार्यक्रमका अवसरमा ६० बर्ष उमेर पुगेका वडा नं. ५, ६ र ७ का करिब ३५० जना ज्येष्ठ नागारिकहरूलाई परिचयपत्र वितरण र १४० जनाको स्वास्थ्य जाँच पनि गरिएको थियो । कार्यक्रममा बोल्दै अध्यक्ष पोखरेलले बिगतका बर्षमा पनि मनाईएको यस कार्यक्रम अझ प्रभावकारी र भव्य बन्दै गएको बताउनु भएको छ । अन्य सबै वडाहरूमा चल्ने यस कार्यक्रमलाई आगामी बर्षहरुमा थप उत्साहका साथ आयोजना गर्ने विश्वास व्यक्त गर्दै पोखरेलले समाजका सबै पक्षहरूलाई यस्ता कार्यक्रमहरूलाई निरन्तर सहयोग गर्न आग्रह गर्नुभएको छ ।